Tresemesterordning
For opptak til ingeniørutdanning krev ein normalt matematikk (R1+R2) og Fysikk 1 (3MX og 2FY) som spesielle opptakskrav i tillegg til generell studiekompetanse.
Viss du manglar slik realfagleg fordjuping, kan du til nokre av desse utdanningane følgje kurs i ei tresemesterordning. Det første studieåret er tilrettelagt, med undervisning både sommaren før og eventuelt også sommaren etter det første studieåret. Opptakskravet er generell studiekompetanse. Frå og med det andre studieåret følgjer du det ordinære studiet.
Følgjande høgskolar og universitet tilbyr tresemesterordning med særskilt undervisning i matematikk og fysikk:
- Høgskolen i Buskerud
- Høgskolen i Gjøvik
- Høgskolen i Narvik
- Høgskolen i Oslo
- Høgskulen i Sogn og Fjordane
- Høgskolen Stord/Haugesund
- Høgskolen i Telemark
- Høgskolen i Vestfold
- Høgskolen i Østfold
- Universitetet i Agder
- Universitetet i Tromsø
Søknad om opptak til tresemesterordning og eventuelle spørsmål, skal du rette til den lærestaden som har slik utdanning.
1-årig forkurs
Til ingeniør- og maritime utdanningar kan ein kvalifisere seg med 1-årig forkurs, uavhengig av kravet om generell studiekompetanse.
Forkurset er ope både for søkjarar som har generell studiekompetanse (men manglar fordjuping i matematikk og fysikk) og for søkjarar som ikkje har generell studiekompetanse. Dei sistnemnde vil bli kvalifisert for ingeniør- og maritime utdanninga dersom dei består fullt forkurs.
Opplysningar om slike forkurs får du ved å vende deg til ein høgskole som har ingeniør- eller maritim utdanning.
Søknad om opptak til forkurs og eventuelle spørsmål, skal du rette til den aktuelle høgskolen.
Y-vegen
Lærestadene har fått høve til ta opp søkjarar med relevant fag-/sveinebrev til særskilde ingeniørstudium. Institusjonane vel sjølve om dei vil starte slike særskilte utdanningar og fastset sjølve kva for fag-/sveinebrev som er relevante.
Søknad om opptak til desse studia skal gjerast direkte til kvar lærestad som har slik utdanning. Du vil finne fleire opplysingar om slike studietilbod på nettsidene til lærestadane. Samordna opptak har ikkje oversyn over desse studietilboda.