Jus dus lea norgga riegádannummar, fertet mannat samordnaopptak.no ja logget sisa MinID:ain. Jus dus ii leat norgga riegádannummar, de fertet mannat samordnaopptak.no ja neahttaohcamii. Doppe gávnnat leaŋkka registreret iežat ohccin geas ii leat MinID.
1. Registreren
Deavdde person- ja gulahallandieđuid. Lea deaŧalaš ahte čálát doaibmi e-poastačujuhusa. Dán geavaha OS sáddet dutnje muittuhusa jus du ohcan ii leat riekta devdojuvvon ja sáddet dutnje guitte go ohcan lea registrerejuvvon. Ođđa sisaváldinreivvet dieđihuvvojit maiddái e-poastta bokte.
2. Duogáš
Dása galggat čállit iežat sisaváldinvuođu. Jus dus lea elektrovnnalaš oahppoduođaštus dahje gealboduođaštus našunála oahppoduođaštusdatabásas, de oidnojit dat dás ja biddjojit vuođđun go du ohcan meannuduvvo.
3. Oahpposávaldagat
Vállje gitta 10 oahpposávaldaga rádjái. Go don deattát heivvolaš oahppokodaid oahppobáiketabeallain, biddjo oahppu automáhtalaččat du neahttaohcamii.
4. Loahppaguite
Fiskes guite čájeha ahte neahttaohcan lea riekta devdojuvvon ja sáddejuvvon Oktasaš sisaváldimii. dán guitte sáhttá maid sáddet du e-poastačujuhussii maŋŋil go leat bidjan sisa ohcama. Dárkkis ahte guite lea riekta. Dan sáhttá vel geavahit duođaštussan dasa ahte leat ohcan oahpposaji. Jus rievdadat ohcama, de oaččut álo ođđa guitte. Du ođđasamos guite čájeha du gustojeaddji ohcama.