Følgjande utdanningar har ikkje elektronisk vitnemål i NVB:
• Fagskoleutdanning
• International Baccalaureate (IB)
• Utanlandsk utdanning (inkl. nordisk)
• Rudolf Steinerskole
• Høgare utdanning
• Folkehøgskole
• Forkurs for ingeniør- og maritim utdanning
Ver merksam på at det ikkje ligg kompetansebevis i databasen. Har du ekstra fag dokumentert på kompetansebevis, må du sende inn papirkopi på desse til din saksbehandlande institusjon.
Viss du har elektronisk vitnemål i NVB, og det er det einaste som skal ligge til grunn for handsaminga av søknaden din, treng du ikkje å sende inn følgjeskjema. Du må logge deg inn med elektronisk ID for å sjå ev. vitnemål i NVB. Når du er logga inn kan du sjå alle dei gyldige vitnemåla dine i NVB. Vitnemåla blir òg tilgjengelege for dei som skal handsame søknaden din.
Om du er avgangselev i år, og ikkje har fått elektronisk vitnemål innan 1. juli, må du sjølv sende inn ein papirkopi av vitnemålet til saksbehandlande institusjon. Om du får eit elektronisk vitnemål innan 1. juli vil vi sende e-post om dette.
Det er berre vitnemål frå norsk vidaregåande skole som ligg i NVB. All annan dokumentasjon som skal ligge til grunn for søknaden din, må sendast inn til saksbehandlande institusjon til dei ulike innsendingsfristane for følgjeskjema og ettersending.
Logg inn for å sjå mitt vitnemål
Sjå om du er kvalifisert for studia i søknaden
Ut ifrå ditt elektroniske vitnemål kan du sjå om du er kvalifisert for studia du vil søkje når du legg dei til i søknaden. Når du legg til studieønske på søknaden vil fargen på kravkoden bak studieønska vise om du er kvalifisert for opptak til studiet. SO forutsett at vitnemål(a) er gyldig ført av skolen som har skrive det ut.
Grøn kravkode tyder at du er kvalifisert ut frå vitnemålet. Merk at det å vere kvalifisert for opptak ikkje er det same som at du får tilbod om studieplass. På mange studium er det fleire søkjarar enn studieplassar, derfor er det poenggrense for opptak i tillegg til opptakskravet.
Raud kravkode tyder at du ikkje er kvalifisert til studiet ut frå opplysningar på ditt/dine elektroniske vitnemål.
NB! Du kan være kvalifisert for å søkje studiet sjølv om du har raud kode viss du har fag på kompetansebevis i tillegg til elektronisk(e) vitnemål i NVB.
Du kan bli kvalifisert for studiet seinare, dersom du får vitnemål eller kompetansebevis innan ettersendingsfristen 1. juli.
Gul kravkode tyder at studiet har krav utover det som kan lesast av det elektroniske vitnemålet. Dette kan vere praksiskrav, opptaksprøve eller liknande. Les meir under spesielle opptakskrav.
Svart kravkode tyder at du ikkje har vitnemål i NVB som kan avgjere om du er kvalifisert for å søkje studiet.