Du har rett til å klage etter forvaltningslova § 28.
Be om grunngjeving
Før du klagar, må du be om ei grunngjeving for vedtaket. Be om grunngjeving så snart som mogleg, og seinast innan tre veker etter at du fekk svar.
Vil du klage etter at du har fått grunngjeving? Klagefristen er tre veker frå du får grunngjevinga.
I klagen må du:
- skrive kva du klagar på
- forklare kva du meiner er feil
- merke klaga med søknadsnummeret ditt
Kvar sender du klaga?
Du må kontakte saksbehandlande institusjon viss:
- du har spørsmål om saksbehandlinga
- du ønskjer å klage på poengrekning
- du ønskjer å klage på vedtak om at du er ukvalifisert
- du er kvalifisert, men har fått avslag på særskilt vurdering
Saksbehandlaren din er som oftast ein lærestad, men kan òg vere Samordna opptak. Kven som er saksbehandlar finn du ved å logge deg inn på søknaden din. Gå til "Sjå søknad" og "Kontaktinfo til sakshandsamar.
Du må kontakte høgskulen eller universitetet som tilbyr studiet viss:
- du er kvalifisert, men har fått avslag etter individuell vurdering
Om vedtaket blir endra og du skal ha eit anna tilbod, får du nytt svar i suppleringsopptaket eller seinare opptak.
Om vedtaket ikkje blir endra, har du rett til å sende ei ny klage. Saksbehandlaren din vil då sende klaga di vidare til nasjonal klagenemd.